novos movementos sociais no mundo do … por brancos, consiga a copa mundial dese deporte que se...
TRANSCRIPT
NOVOS MOVEMENTOS SOCIAIS NO MUNDO DO BENESTAR
A LOITA POLA IGUALDADE DOS DEREITOS CIVÍS DAS MINORÍAS
Adiós Bafana (2007). Película centrada na visión que sobre Mandela
tiña que foi seu carcereiro durante os 27 anos que o líder estivo na
prisión, James Gregory, un surafricano branco que ademais do seu
censor foi tamén o seu confidente.
Arde Mississippi (1988). Película baseada nos feitos reais que tiveron
lugar nun pobo do sur de EE UU, cando desapareceron tres activistas
defensores dos dereitos humanos sen deixar rastro e onde o racismo
estaba profundamente arraigado e o Ku Klux Klan continuaba
celebrando seus rituais e reunións. Para realizar a investigación son
designados dous axentes do FBI.
Atrapa el fuego (2006). Historia baseada na historia real de Patrick
Chamusso, unha vítima da policía surafricana que sufriu tortura para
que confesase un delito que non cometera. Unha vez liberado,
alístase nas milicias do Congreso Nacional Africano e desde elas
loitou pola superación do apartheid a comezos dos anos 80.
Causa justa (1995). Un mozo negro que vive nunha pequena cidade
de Florida é detido e acusado de matar a unha nena branca, polo que
é condenado á cadeira eléctrica. A súa avoa consegue que un
prestixioso avogado se faga cargo da súa defensa. Todo parece un
caso claro de racismo e dunha confesión obtida mediante tortura
pola policía, conseguindo a absolución do condenado.
Crash (2004). A aparición dun corpo brutalmente asasinado en Los
Ángeles será o motivo da interrelación de personaxes moi diversos:
un veterano policía racista, un rico matrimonio negro, a esposa do
fiscal do distrito… e entre eles xurdirán tensións de carácter racista,
relixioso e social.
Criadas y señoras (2011). Mississippi, anos 60. Unha chica sureña
revoluciona a súa pequena cidade cando regresa da Universidade
decidida a converterse en escritora tomando os datos para os seus
escritos das entrevistas que pensa facer ás mulleres negras que
pasaron a súa vida servindo ás grandes familias sufrindo todas as
formas de discriminación racial.
Drum (2004). Historia da vida do periodista Henry Nxumalo que
alcanzou gran fama nos anos 50 en Sophiatown, o barrio símbolo da
resistencia cultural en Johannesburgo, os seus artigos na revista
Drum denunciando o trato dado á poboación negra durante a vixencia
do apartheid.
El color de la amistad (2000). Unha adolescente branca que vive nun
ambiente de apartheid superará ese sentimento racial cando vaia a EE
UU a facer un curso e conviva cunha familia norteamericana de raza
negra.
El largo camino a casa (1990). Montgomery, Alabama, anos 50, un
peuqno pobo no que perduran con forza os prexuízos raciais e
sociais pero onde tamén teñen cabida as relacións fraternais entre
brancos e negros como o caso da película: a comprensión entre a
muller negra que traballa para a muller branca cando a primeira ten
problemas para chegar ao traballo a causa do boicot dos negros á
empresa de autobuses.
Grita libertad (1987). Reconstrución dos últimos días da vida de
Stephen Biko, un destacado activista negro que loita por conseguir a
igualdade de razas en Sudáfrica. A fonda amizade entre o branco
director dun periódico que comeza a difundir noticias sobre a
comunidade negra desde que intensifica os seus contactos co
activista negro e que arrisca a súa vida para que as noticias sexan
coñecidas no mundo.
Invictus (2009). Historia real dunha ilusión, a de Nelson Mandela
cando en 1990, desde a presidencia do seu país, desexa superar o
apartheid e para reunir nunha empresa común a brancos e negros, en
1995, consegue que o equipo nacional de Sudáfrica, formado case
exclusivamente por brancos, consiga a Copa Mundial dese deporte
que se celebraba no seu país.
La fuerza de uno (1992). Retrata a vida dun rapaza inglés en
Sudáfrica, un país marcado pola segregación racial entre brancos e
negros pero tamén entre os brancos afrikaners -descendientes de
franceses, holandeses e alemáns que constitúen a clase dirixente- e
os ingleses.
Llanto por la tierra amada (1995). A acción situase en Sudáfrica
pouco antes de que se institucionalizase oficialmente o apartheid. Un
sacerdote negro e un terratenente branco teñen que enfrontarse a
unha tráxica situación. Das bágoas de dous homes moi diferentes
nace a forza para cambiar un país.
Malcolm X (1990). Biografía de Malcolm Little (1925-65), orfo de
pai desde neno e coa nai nun psiquiátrico desde que o Ku Klux Klan
incendiou a súa casa. Foi delincuente e acabou no cárcere, onde
cambou radicalmente a súa vida converténdose nun destacado líder
do movemento de liberación da comunidade negra de Estados
Unidos.
Mandela (2013). Biografía do carismático líder Nelson Mandela,
desde a nenez ata a presidencia de Sudáfrica, pasando polos 27 anos
de cárcere.
Mandela & De Klerk (1997). Historia de dous líderes: o presidente
branco de Sudáfrica e o líder da liberación dos negros. Ambos se
enfrontaron durante anos, pero a colaboración de De Klerk foi
fundamental para a liberación de Mandela e apertura do camiño para
que este lle sucedese na xefatura do estado africano.
Panther (1996). O movemento das Panteiras Negras e o Black Power
continuaron a liña marcada por Malcolm X, con actos violentos que
enfrontaron á poboación afroamericana coa policía. A película narra
as orixes do movemento, a loita polos seus dereitos e algúns dos
medios empregados pola policía para diminuír o seu poder como a
introdución de drogas por parte do FBI.
Un mundo aparte (1988). Baseado en feitos reais, relata a historia de
Ruth First, unha periodista que dedicou a súa vida a loitar contra o
paratheid e foi asasinada en 1982.
Un país en África. A mediados dos aos 90 Sudáfrica vive momentos
de transformación e momentos difíciles pola actuación da Comisión
para a Vedade e a Reconciliación que xulga aos presuntos criminais
da época do apartheid enfrontados ás súas vítimas. Para cubrir esta
información o periódico norteamericano Washington Post envía a un
periodista negro que cabará namorándose dunha poeta branca
surafricana que cubre as sesións da Comisión para unha emisora de
radio.
Una árida estación blanca (1987). Na Sudáfrica dos anos 70, un
profesor branco viva á marxe dos problemas do apartheid ata que o
fillo do seu xardineiro é arrestado pola policía e non regresa a casa.
Entón decide intervir e investigar o sucedido.
A REBELDÍA XUVENIL
OS ROCKERS
Amor en Hawai (1961). Elvis Presley interpreta a un militar que
regresa á súa casa en Hawai logo de licenciarse do exército. A
familia espera que se dedique ao negocio familiar , pero el prefire
facer de guía turístico.
El rock de la cárcel (1957). Un mozo encarcerado por matar
accidentalmente a un home nunha pelexa dunha cantina dedícase a
cantar e cando sae da prisión fará diso unha profesión traballando
duro para alcanzar a fama.
King Creole (El barrio contra mí). (1958). Elvis interpreta a un
mozo problemático que interpreta unha música revolucionaria en
Nova Orleáns.
Viva Las Vegas (1956). Un rancheiro que vai xogar aos casinos
de Las Vegas descubre que para gañar é coller a man da guapa
bailarina do local.
OS HIPPYS
Destino: Woodstock (2009). En conmemoración do 40 aniversario
do festival que tivo lugar en Woodstock e que reuniu a máis de un
millón de persoas para escoitar a figuras lendarias (Jimi Hendrix,
Jose Cocker, Joan Baez…) en pleno movemento hippy e co
transfundo político da guerra de Vietnam acabo sendo un canto pola
paz, o amor e a tolerancia. Esta película lembra aquela época pero un
pouco distorsionada polo paso do tempo.
Hair (1967). Película ambientada na estética e modos de vida dos
hippys dos anos 60. Historia dun mozo que sae do seu pobo para
alistarse no exército e combater en Vietnam, pero cando chega á
cidade namórase dunha hippy e cambia de idea.
Magical Mystery Tour (1967). Película protagonizada pola banda
británicaThe Beatles, un especial dunha hora de duración que foi
emitido pola BBC.
Help! (1965). Comedia protagonizada polos Beatles, unha
imaxinativa historia dun anel que unha doncela hindú destinada ao
sacrificio fanática do grupo lles regala e acaba na man do batería
Ringo, polo que el será o sacrificado. Ante esta situación, o grupo
protexe ao compañeiros fuxindo dos que o tratan de inmolar.
More (1969). Película que aborda o tema das drogas e o sexo como
se vivía nas comunas hippys de Ibiza.
Que noche la de aquel día! (1964). O mítico grupo musical The
Beatles escapa de Liverpool en tren a Londres para un programa de
televisión. Tanto no camiño como en Londres suceden continuas
escenas cómicas .
Rocanrol 68 (2013). No verán de 1968, un tímido adolescente vai á
praia cos amigos e escoita música rock, pero a rutina cambia coa
chegada dunha chica hippy da que se namora e iso será a causa dos
múltiples líos nos que se ve involucrado.
Yo te amo, Alicia (1968). Comedia na que un chico deixa á súa moza
por Alicia, unha atractiva chica hippy que ten unha habilidade
especial para facer pasteis ao tempo que trata de atoparse consigo
mesmo coa axuda dun gurú.
OS PUNKS
Curso 1984 (1982). A un instituto controlado por un grupo de punks
chega un novo profesor de música que observa como circulan as
drogas e se extorsiona ao alumnado sen que o profesorado faga
nada.
Loren Cass (2006). En 1997 catro adolescentes de Florida viven no
ambiente do punk. A cidade respira rebelión, busca do sentido da
vida, crítica a unha sociedade considerada con valores caducos.
SLC Punk (1998). Historia sobre a vida de dous punks de Salt Lake
City, unha cidade moi conservadora dos Estados Unidos que
contrasta co ambiente no que eles viven, a filosofía anarquista do
movemento.
Sid & Nancy (1986). Película biográfica dun dos mellores
representantes do movemento punck, Sid Vicious, líder da mítica
banda Sex Pistols, que se namora de Nancy. En outubro de 1978, no
hotel Chelsea de Nueva York, Nancy é encontrada apuñalada xunto
a Sid, abatido de pena. Arrestado e acusado de asasinala, morre de
sobredose antes de que se inicie o xuízo.
Suburbia. Película sobre a marxinación e a exclusión social dun
grupo de mozos punks inadaptados. Consumen drogas, son
violentos, están apartados da familia, no teñen prexuízos morais.
A REVOLTA ESTUDANTIL. MAIO DE 1968
L´an 01 (1973). Filme emblemático do espírito contestatario dos
anos 70 en Francia e no que se abordan temas de ecoloxismo,
negación da autoridade, amor libre, a vida en comunidade ou o
dereita da propiedade privada, todos eles temas centrais da
ideoloxía revolucionaria que introduciu o movemento de Maio
do 68.
Después de mayo (2012). A comezo dos anos 70 en París se vive
aínda cos ecos de revolución de Maio do 68. Os protagonistas
estudan nun instituto e teñen inquedanzas artísticas pola pintura
e políticas para cambiar radicalmente o mundo no que viven.
La Chinoise (1967): Película estreada un ano antes de que
estoupasen os acontecementos de Maio do 68 e que mostra a un
grupo de mozos maoístas planificando a revolución, de modo
que ten un carácter premonitorio.
Mai 68 (1974). Documental realizado pola periodista británica
Gudie Lawaetz catro años despois dos feitos. O filme recolle o
maior arquivo de imaxes sobre o Maio de 1968
Milou en mayo (1989). O protagonista vive no campo e cando
morre a súa nai invita aos parentes a asistir ao funeral, ocasión
que serve para evocar e, nalgún caso revivir, os acontecementos
de Maio do 68.
Nés en 68 (2008). No marco das revoltas estudantís de Maio de
1968, tres amigos deciden organizar unha comuna nunha antiga
granxa na que vivir a consigna utópica: igualdade entre homes e
mulleres, sen tabús e sen regras. Na segunda xeración da comuna
xorden dous fillos gays da nova revolución sexual.
FEMINISMO E VIOLENCIA DE XÉNERO
Agua (2005). Historia ambientada na India colonial (1938) que
relata os costumes do pais e que levan a casar a unha nena de 8
anos cun moribundo que falece aquela noite. Logo da cremación
do cadáver, a viúva prepárase para cumprir a tradición: ingresar
nun ashram para viúvas e permanecer alí o resto da súa vida.
Candidata al poder (2000). Ser muller impediulle á senadora
Laine Hanson ocupar a vicepresidencia de Estados Unidos, a
pesar de que pola súa capacidade fora designada para o posto
polo presidente. Pero os seus inimigos desacreditárona pola súa
vida sexual cando era universitaria, cargos sobre os que non
quixo dar explicacións a ninguén.
En tierra de hombres (2006). O filme presenta a loita dunha
muller maltratada polo seu marido que debe traballar para manter
aos seus dous fillos e non pode ser máis que nunha mina, lugar
onde só traballan homes. A pesar dos múltiples problemas
(familiares e da comunidade), consegue o seu obxectivo, pero
paga moi duramente a súa tenacidade e valentía.
Erin Brockovich (2000). Historia baseada nun feito real, o da
protagonista, unha nai solteira que consegue un posto de traballo
nun despacho de avogados, Todos cren que se trata dunha muller
convencional, pero o escándalo estalla cando se investiga sobre a
súa vida.
Flor del desierto (2009). A película percorre a vida de Warris
Dirie, unha destacada activista contra a mutilación xenital
feminina da que ela mesma foi vítima sendo nena en Somalia.
Historia de superación, traballo e tenacidade ata se converter
nunha cotizada modelo de alta costura, posición que utiliza para
que a súa voz sexa máis escoitada nos foros internacionais.
Fuego (1996). Historia amable da subordinación da muller nunha
familia india dedicada a un negocio familiar. Crítica á tradición
que favorece en exclusiva aos homes e unha aproximación entre
mulleres desatendidas polos seus maridos.
La boda del monzón (2001). Ameno relato da preparación dunha
elegante voda en Nova Delhi durante a que se reflicten os
conflitos entre os partidarios do mantemento das tradicións e os
defensores dos cambios.
La fuente de las mujeres (2011). Alegoría das sociedades
patriarcais nas que as mulleres están completamente sometidas.
Para liberarse, a protagonista consegue que a secunden todas as
mulleres da aldea aplicando unha consigna: non máis sexo ata que
os homes vaian a pola auga.
La sonrisa de Moma Lisa (2003). Universidade de Nova
Inglaterra en 1953. Ata alí chega unha profesora de historia da
arte que vai descubrindo o ambiente tradicional e estancado da
institución e o conformismo das súas alumnas que seguen
pensando que o matrimonio é a mellor saída para as mulleres.
Pero as leccións non serán soamente de arte senón que tratará de
cambiar o modo de pensar ata conseguir que acepten que o
desenvolvemento persoal é o maior logro de calquera muller.
Las hermanas de la Magdalena (1998). Na ultracatólica Irlanda,
os Conventos da Magdalena tutelaban a rapazas enviadas polos
orfanatos ou polas súas familias e alí eran obrigadas a traballar
gratis para expiar os pecados cometidos tales como ser nai
solteiras, ser deficientes, vítimas de violacións… Milleiros de
mulleres viviron nesas duras condicións ata que se pecharon estas
institucións a finais do século XX.
Moolaade (2004).Problema da mutilación xenital feminina a
través da historia dunha muller subsahariana, vítima ela mesma
cando era nena, que non pertimiu que llo fixese á súa filla. Catro
nenas tratan de evitar ser mutiladas e lle piden axuda pero deben
enfrontarse a dous valores: o dereito de asilo (moolaadé) e a
tradición da ablación (salindé).
Nunca más (2002). Unha película que aborda o mal trato dun
marido aparentemente amante e cariñoso coa súa muller pero que
en realidade é un brutal abusador. Para poder facer fronte, a
muller tomará leccións de defensa persoal.
Planes para mañana (2010). Catro historias de catro mulleres
que deben tomar importantes decisións sobre as súas vidas,
decisións que condicionarán o seu futuro.
Quiero ser como Beckham (2002). Unha rapaza india que vive
coa súa familia en Londres sente paixón polo fútbol, algo
prohibido para ela aínda que o practica en secreto. Un día é
observada e queren que xogue nun equipo feminino, situación que
suporá duros enfrontamentos co seu contorno familiar, pero
conseguirá facer realidade o seu soño.
Sólo mía (2001). Película que centra o argumento na violencia
doméstica contra as mulleres, un espazo do que moitas veces non
sae a verdadeira tensión que nel se produce.
Te doy mis ojos (2003). Violencia doméstica e machismo que
anulan á muller, presionada dentro e fóra do fogar. As boas
palabras de arrepentimento do marido tras os actos de mal trato
físico e psíquico non serven para mellorar unha situación que se
repite continuamente.
Thelma y Louise (1991). Película emblemática sobre a amizade
feminina, a violencia machista e o patriarcado. Dúas mulleres de
diferente idade deciden facer unha viaxe xuntas para afastarse da
rutina das súas anodinas vidas e das súas numerosas frustracións,
pero o que ía ser unha diversión liberadora dos seus propios
fracasos, acaba sendo unha experiencia con episodios dramáticos.
Tomates verdes fritos (1991). Película destacada no tratamento
das emocións, os sentimentos, o repudio do machismo e do
racismo. As vidas de varias mulleres que se relacionan ofrecen
unha mostra das inquedanzas e problemas da sociedade
norteamericana na que a amizade entre as mulleres dálles forza
para seguir adiante.