Keta haluha: Gosta ami nia pajina Facebook! www.facebook.com/eudtl

Eventu sira

UE apoia atividade nutrisaun iha Oe-Cussee

Semináriu Pro PALOP-TL SAI

UE apoia projetu “Hadi’ak Akontabilidade Governu nian liu hosi Auditória Sosial iha Timor-Leste”

Embaixador UE no Embaixador Portugal hala’o vizita ba iha Quintal de Portugal

Istória hosi Terenu

Sikun UE nianLingua iha Uniaun Europeia

BOLETÍN INFORMATIVU VI Edisaun – Novembro 2016

Kooperasaun Uniaun Europeia Timor-Leste

Plantasaun Kafe iha Quintal de Portugal

Servisu hamutuk ba Timor-oan sira nia moris di’ak

Embaixador Uniaun Europeia hasoru malu ho Prezidente Parlamentu Nasionál

Uniaun Europeia apoia hodi reforsa sistema saúde iha Timor-Leste

Iha loron 14 Novembru, Embaixador Uniaun Europeia, Alexandre Leitão, hasoru malu ho Prezidente Parlamentu Na-sional, Adérito Hugo da Costa. Iha sorumutu ne’e mos, diskute kona-ba kontinuasan projetu hirak ne’ebé iha ambitu Koperasaun entre Uniaun Europeia ho Timor-Leste, liu-liu UE ninia parseria estratéjika ho Parlamentu Nasional rela-siona ho koperasaun ho nasaun sira seluk no ajensia internasional sira hodi kontribui ba dezenvolvimentu nasional.Haree liu tan!

Iha âmbito hodi alarga parseria estratéjika Uniaun Europeia nian ho Ministeriu Saúde, “Kursu importante kona-ba Fortalesimentu no Finansiamentu Sistema Saúde Timor-Leste 2016” hala’o iha Dili hosi loron 29 Novembru to’o 3 Dezembru 2016. Inisiativa ida ne’e organiza lisuk hosi Banku Mundial no Universidade Melbourne ho nia objetivu atu dezenvolve komprensaun komún ida kona-ba política no sistema saúde ho foku ba iha opsaun finansiamentu. Iventu ne’e hetan partisipasaun hosi funsionáriu nivel altu hosi Ministeriu Saúde. Lee liu tan!

Ho apoiu hosi UE, Ministeriu Saúde, OAM no Fundasaun Alola, hala’o vizita ba iha komunidade Suni Ufe Citrana, Oe-Cusse hodi ko’alia kona-ba importânsia han ai-han oi-oin wainhira isin-rua.Projetu “Saúde Inan & Oan no Nutrisaun” ne’ebé hetan tulun finansiamentu hosi UE, apoia ona Ministeriu Saúde, OAM no Fundasaun Alola hodi bele lori edukasaun ai-han nian ba komunidade sira iha area remota hodi nune’e bele kombate problema malnutrisaun iha Timor-Leste. Lee liu tan!

Ho konvida hosi Parlamentu Nasional, Embaixador Alexandre Leitão aprezenta ninia ideia kona-ba ezbosu Orsamen-tu Jeral Estadu ba tinan 2017 nia liu-hosi semináriu ida ne’ebé apoiu hosi programa rejionál UE nian iha ambitu Pro PALOP-TL ISC ne’ebé hala’o iha loron 9 Novembru. Eventu ne’e organiza hodi halibur hamutuk partisipante hosi liña ministerial sira no grupu interesadu sira hosi organizasaun oi-oin hanesan Lao Hamutuk, Rede Feto, UN WOMEN, BNCTL no Banku Mundial, entre hirak seluk. Haree imajen!

Ho pasu ida tan ba oin parseria entre Uniaun Europeia (UE) ho Sosiedade Sivil iha Timor-Leste. Planu Asaun no Komunika-saun & Vizibilidade projetu “Hadi’ak Akontabilidade Governu nian liu-hosi Auditória Sosial iha Timor-Leste” hetan aprovasaun iha loron 30 Novembru 2016, no sei implementa lisuk hosi FONGTIL no Asia Foundation ho kolaborasaun besik ho Unidade Auditória Sosial iha Gabineti Primeiru Ministru nian. Aprovasaun ba Planu ne’e hetan partisipasaun hosi Konselleru Polítiku Del-egasaun UE nian iha Timor-Leste, Luís Godinho, ne’ebé subliña kona-ba importânsia halo analize ho foku ba setor Edukasaun no Saúde, nu’udar área importante ba dezenvolvimentu tuir Estratéjia UE nian ba Demokrasia no Direitu Umanu iha Timor-Les-te. Haree fotografia!

Embaixador UE, Alexandre Leitão, no Embaixador Portugal, Manuel Gonçalves de Jesus, hala’o vizita hamutuk ba iha to’os Portugués nian (“Quintal de Portugal“) iha Aileu, hodi avalia rasik posibilidade iha futuru ba atividade formasaun agricultura nian. Camões I.P. (Ajensia Nasional Portugés nian ba Koperasaun) mak jere hela Sentru formasaun agrikultura no fatin demon-strasaun ne’e. Hosi tinan 2012 to’o 2015, liu-hosi programa agrikultura RDP IV ho finansiamentu hosi UE, dezenvolve ona atividade formasaun ba agrikultor sira no estensionista sira iha fatin ne’e, inklui halo viveiru, kuda ai hirak ne’ebe fo aifuan no transferênsia abilidade hodi bele hadi’a variedade kafe iha Timor-Leste, hanesan ezemplu, atividade aparu kafe regularmente. Haree fotografia!

UE promove diversividade linguistíka no kultura hosi ninia povu rasik. UE hala’o atividade ne’e liu-hosi apoia hanorin no promove aprendijazen ba sira nia lian. UE nia objetivu ambisiozu ida mak atu fasilita ninia sidadaun sira hodi bele ko’alia língua rua ho diak, aleinde sira nia lian inan rasik. Instituisaun UE nian servisu hamutuk ho língua ofisial hamutuk 23. Ida ne’e sei asegura katak UE ninia sidadaun hotu-hotu iha asesu hanesan ba polítika no lejislasaun UE nian, maske sira ko’alia deit idioma prinsipal ka língua ne’ebé ema ladun hatene. Lee liu tan no download livru elektróniku!