del rosario
TRANSCRIPT
24
Siyam ka adlaw nga NOVENA han
Birhen del Rosario
2
San tigaman, Santa Krus, sa amon mga kaaway bawion Mo kami Ginoo nga Dios namon. Sa ngaran san Amay, san Anak ug sa Dios Espiritu Santo.
Amen.
ACTO DE CONTRICION
Diyos nga makagarahum, kaupayan nga waray
sukol, malolooyon hin labi ngan higugmaon; ako
an makasasala nga taramayon ug matalapason han
Imo santos nga batasan; nagbabasul ako han akon
mga sayop, tungod lamang kay hira ngatanan an
mga sala ko kontra ha Imo. Nakasala ako, Ginoo,
pagperdonahan Mo ako; nagsasaad na ako ha bug-
os nga kasingkasing ko hin pagbaya han akon mga
sala ngatanan ug paglilikyan ko man an mga
katigayonan nga harani ug katahapan ha
pagpakasala; magpapaubos ako ha hukmanan ha
kumpisalan, ug pagtutumanon ko man ha maupay
nga buot an ngatanan nga isugo ha akon han mga
santos Padres kay mga liwan sa Diyos dinhi ha
kalibotan. Hatagan mo ako hin grasya basi pag-
upayon ko an kabatasanan ko; ngan basi tungod
man han Imo santos nga pagkasakit ug pagkamatay
ha Krus hiagoman ko an kahimayaan ha langit.
Amen.
SIYAPA KA ADLAW
PAG-AMPO
Maghimaya ka, Iroy nga langitnon;
Maghimaya ka, Sarapati nga maanad;
Maghimaya ka, Birhen nga Pinili, kay pinanamkon ha imo giuurayi nga tiyan an Anak sa Diyos ha larang ug grasya han Espiritu Santo;
Maghimaya ka, masulub-on nga Punay, kay gin-ilob mo in damo nga mga kasakitan han pagkita nga ginsasakit nga gayud ha mga tawo an imo higugmaon nga Anak;
Maghimaya ka, gimatahomi nga Iroy kay pi-nasaka ka ha langit pati kalag pati lawas;
Maghimaya ka, kay waray ka hidarahigi han
23
22
PAG-AMPO
O Diyos, kay ilinukat man kami han Imo
bugtong nga Anak, pinaagi han Iya kinabuhi, ka-
matayon ug pagkabanhaw, han mga balos han ki-
nabuhi nga dayon, nangangamuyo kami ha Imo nga
kami an nagpapalandong han mga misteryo han
gisasantosi nga Rosaryo han baraan nga Birhen
Maria, makasunod unta kami han mga tutdo hini
nga mga misteryo ug makadangat kami han ira mga
iginsasaad.
Tungod kan Hesukristo ngahaw nga amon
Ginoo. Amen.
3
sala nga panurundon, maghimaya ka kay waray ka
bati hin kasakit han palaran mo nga panganak;
maghimaya ka, Maria nga mag-arampo namon, bawia
kami ha mga karautan nga tikang han pagkasala
kay napasakop kami ha imo kamalolooyon ug
kamanlalaban mo;
Panabangan, in nangangadi kami han Santos
nga Rosario, agud matakos kami makakuha han mga
indulhensya nga damo nga itinugot ha Santa Ig-
lesia han mga Kristiyanos nga nangangadi hin
agsob han Santos nga Rosario ha dako nga pag-
tarahud ug ha bug-os nga kasingkasing nira. Pa-
mumuligan mo kami, basi diri masimang ug diri
mahulog ha kalubgan han mga sala, ngan matakos
kami pagngaranan nga mga Anak ni Maria; ngan
itugot mo man ha amon an mga kaupayan nga
pinangangaro namon ha imo hini nga novena kon
baga uyon ha santos nga buot sa Diyos ug maka-
kaupay man ha amon kalag. Amen.
Mangadi kita hin tulo ka Maghimaya ka Maria ug usa
nga Gloria Patri nga ighalad ha Nuestra del Rosario.
PAG-AMPO HA IKINAADLAW NGA PAGNOVENA
Gimamahali nga Birhen Maria, malolooyon
nga Iroy, kalipayan ha amon mga kasingkasing,
arayopan han mga makasasala, mananabang ha mga
mapaubsanon, mananambal han mga kasakitan ug
manlalaban han mga nangangayop ha imo;
nakikimalooy kami ha imo ha ubos nga pangamaya
nga ig-ampo mo kami ha Diyos nga harangdon basi
igperdona an amon mga sala nga ginbabasulan na
naman ha bug-os nga kasingkasing.
Palaran kami nga gayud, kon diri na kami
magliwat hin pakasala sa Diyos nga takus higug-
maon ug aalagdon labi han ngatanan agud mahaga-
was kami han mga budlong nga igpaaabot sa Diyos
ha kalibotan kay an kamakasasala ug kamalaris
han mga tawo. Ig-ampo mo kami, Gisasantosi nga
Birhen del Rosario, kay ikaw la nga usa ha mga
4
anak ni Adan nga makasasala an pinanamkon hin
waray hidarahigi han sala nga panurundon; ikaw
an tinatawag nga urusahon nga saringsing ni Jo-
se, nga naturok hin waray kadungan bisan dumog
an puno nga tinudkan; ikaw an gimamahali ug
baraan nga Ester nga pinagawas han sirot nga
igkamatay nga nakadarahig ha mga tawo ngatanan
ug iginmantala ha paraiso; ikaw an Birhen nga
urusahon nga pinili, nga mairoy ka han Anak sa
Diyos nga magpakatawo ug kinarawat mo an mga
grasya ngatanan, mga hatag ug mga birtudes nga
takos han giuurogi mo nga kaugdanan nga
pagkairoy sa Diyos; puno ka na hin grasya ha
tinikangan han imo kinabuhi; ikaw an labi nga
santos nga tawo nga kinita ha kalibotan; an
pagkalubos ha mga angheles, an kamahalan ha mga
trono ug mga dominaciones, an gugma ha mga ke-
rubines ug mga serafines, an pagkasantos ug
kamakatarambog ha kaanghelesan ngatanan linaba-
wan mo han pagkasantos ug kamahalan mo nga
waray sugad; kay ngatanan an mga espiritu nga
langitnon, bisan ano an ira kamahalan, mga ala-
gad la hira sa Diyos nga iniroyan mo, ug amo
gud ini an labaw nga kadarayawan mo, kay ikaw
an ginpakatawohan ni Hesus nga Anak sa Diyos.
Napasakop kamiha imo gahum, Gisasantosi
nga Birhen del Rosario, kay ikaw an mananabang
han mga tawo ngatanan; napahayag ka kan Santo
Domingo nga imo pinaura nga alagad ug gin-asoy
mo ha iya an mga kaupayan nga hidadangatan han
magtikos hin pagdebosyon han mahal nga Santo
Rosario, nga amo an pinili nga bulong nga maka-
huwas han kasakit nga gikan han sala, kay an
tawo nga magbatasan hin pangadi hin maupay ug
hin agsob han Santos nga Rosario kalolooyan
gihapon han mahal nga Birhen Maria, kay ini nga
debosyon nga santos igintutdo niya kan Santo
Domingo; basi diri angay nga paglalarison han
tawo nga Kristiyanos kundi kaangayan an pag-
tuman kay buhat nga himurolsan ha kalag ug
kaupayan man ha lawas.
21
Ganghaan han langit,
Bituon han kaagahon,
Bituon han ebanghelisasyon,
Kinabuhi han magsinakitnon,
Darangpan han magpakasasala,
Magliliaw han magbiduon,
Hinabang han mga Kristiyanos,
Reyna han kaanghelesan,
Reyna han mga patriarkas,
Reyna han mga propetas,
Reyna han mga apostoles,
Reyna han mga martires,
Reyna han mga confesores,
Reyna han mga birhenes,
Reyna han ngatanan nga mga Santos,
Reyna nga iginpanamkon nga waray sala nga
panurondon,
Reyna nga iginsaka ha langit,
Reyna han gisasantosi nga Rosaryo,
Reyna han pamilya,
Reyna han kadaet.
Kordero han Diyos nga nagkukuha ka han mga
sala han kalibotan, talwasa kami, Ginoo.
Kordero han Diyos nga nagkukuha ka han mga
sala han kalibotan, dungga kami, Ginoo.
Kordero han Diyos nga nagkukuha ka han mga
sala han kalibotan, kalooyi kami, Ginoo.
M: Ig-ampo mo kami, Santos nga Iroy sa
Diyos.
S: Basi kami matakos pagsangpot han mga
saad ni Hesukristo. Amen.
20
LITANIYA HAN BIRHEN
Ginoo, kalooyi kami.
Kristo, kalooyi kami.
Ginoo, kalooyi kami.
Kristo, pamatia kami.
Kristo, dungga kami.
Diyos Amay ha mga langit, kalooyi kami. *
Diyos Anak, Manunubos han kalibotan,
Diyos Espiritu Santo,
Santos nga Trinidad, uusa la nga Diyos,
Santa Maria, ig-ampo mo kami. **
Santos nga Iroy han Diyos,
Santos nga Birhen han mga birhen,
Iroy ni Kristo,
Iroy han diosnon nga grasya,
Iroy han Santos nga Singbahan,
Iroy nga labi kauray
Iroy nga labi kaputli,
Iroy nga waray hilabti,
Iroy nga waray hidum-iti,
Iroy nga hirigugmaon,
Iroy nga urusahon,
Iroy han maupay nga kasalagdonan,
Iroy han Taglarang,
Iroy han Manunubos,
Birhen nga labi kabut-anon,
Birhen nga talahuron,
Birhen nga igsarangyaw
Birhen nga gamhanan,
Birhen nga maloloy-on,
Birhen nga matinumanon,
Salaming han katadungan,
Lingkoran han kinaadman,
Tinikangan han amon kalipay,
Baso nga espirituhanon,
Baso nga dungganan,
Baso nga hamili han kamainampuon,
Bukad nga kalagnon,
Lantawan ni David,
Lantawan nga tipuso,
Balay nga bulawan,
Hiniposan han ginsaaran,
5
Hi Maria Escuero nagtulo na ka adlaw nga
pagbinati hin mga kamaul-ol, kinukurian han
panganak ug waray katatawo an bata; nakitabang
hiya ha Nuestra Señora del Rosario, nagkumpisal
hiya hin maupay, nangadi man hiya hin pira daw
ka Maghimaya ka Maria, ug ha dako nga kalooy sa
Diyos natawo an bata hin waray ano man nga
kakurian.
Panabangan mo kami, maloloy-on nga Iroy
namon, basi makatuman kami ha maupay nga buot
inin santos nga debosyon ug matakos kami mamati
ha baba han Hesus nga imo higugmaon nga Anak
hinin matam-is nga mga pulong, “Kumadi kamo,
mga pinamugahan han akon Amay, kakarawaton niyo
an ginhadian nga igintagna ha iyo tikang ha
tinikangan han kalibotan. Kumadi kamo, mga
pinamugahan han akon Iroy ug Iroy man niyo, kay
kakarawaton niyo an mga kalipayan nga igin-
andam ha iyo ha dayon nga pahuwayan; kay tikos
an pangadi niyo hin agsob han santos nga Ro-
sario, ungod an iyo pagtuman han pagka-
Kristiyanos ug marig-on an iyo buot han diri
pagdaog han mga panulay.”
Panabangi kami, marahalon nga Iroy namon,
ngan itugot mo man ha amon an mga kaupayan nga
pinangangaro namon ha imo hini nga novena kon
daw uyon ha santos nga buot sa Diyos ug maka-
kaupay man ha amon kalag. Amen.
Atubangon ta an Diyos hin madali, ug ha hilom
makitabang kita ha Nuestra Señora del Rosario agud
kalooyan kita niya.
MGA SIDAY
Dayawon ta hi Maria, an Birhen del Rosario
Dayegon ta man hiya ha inanak nga pagtahud.
Ayaw kita pakabido han Iroy nga higugmaon,
6
Kay Iroy sa Diyos nga totoo, ug Iroy man hiya naton.
Dayegon ta man hiya ha inanak nga pagtahud.
Basi kita panabangan han Birhen nga marahalon,
Pagdayegon ta hin agsob an Santos nga Rosario.
Dayegon ta man hiya ha inanak nga pagtahud.
Buhat nga himurolsan an Rosario nga Marianhon,
Daw bulong kaupay han tawo matinumanon.
Dayegon ta man hiya ha inanak nga pagtahud.
Maghimaya ka, nga laong, an kaanghelesan hin dayon;
Sugad man kami nasiring, maghimaya ka gihapon.
Dayegon ta man hiya ha inanak nga pagtahud.
An Anak sa Diyos nga dayon ha tiyan mo pinanamkon;
Urugdon inin Misteryo, buhat sa Diyos harangdon.
Dayegon ta man hiya ha inanak nga pagtahud.
Bisan Iroy ka na sa Diyos ug Reyna nga marahalon,
Kinmadto ka hin paglaoy, kan Isabel imo patod.
Dayegon ta man hiya ha inanak nga pagtahud.
Han pag-amoma mo hadto kan Isabel higugmaon,
An bata, iroy, tinagan hin grasya nga urusahon.
Dayegon ta man hiya ha inanak nga pagtahud.
Igin-anak mo ha Belen hi Hesus nga siringbahon,
Siningba han mga hadi, han mga tawo nga tangkod.
Dayegon ta man hiya ha inanak nga pagtahud.
19
han Getsemane
2. An paghampaka han aton Ginoo Hesukristo
3. An pagpudongpudongi han aton Ginoo hin mga
tunok
4. An pagpas-an ni Hesukristo han mabug-at nga
krus
5. An pagraysangan ug pagkamatay han aton Ginoo
Hesukristo didto ha krus
An mga Misteryo han Himaya
(Miyerkules ug Dominggo)
1. An pagkabanhaw han aton Ginoo Hesukristo
2. An pagsaka ha langit han aton Ginoo Hesukris-
to
3. An pagkunsad han Espiritu Santo ngada kan Ma-
ria Santisima ug han mga Apostoles
4. An pagsak-an ha langit kan Maria Santisima
5. An pagpudongpudongi kan Maria Santisima hin
pagkareyna han mga angheles ug santos ha
langit
An mga Misteryo han Kapawa
(Huwebes)
1. An pagbunyagi kan Hesus ha Jordan
2. An pagpakilala ni Hesus han Iya kalugaringon
didto han kasal ha Cana
3. An pagpasamwak ni Hesus han ginhadian han
Diyos ug an Iya panawagan hin pagbag-o
4. An pagbag-o han dagway ni Hesukristo
5. An pagtukod han Eukaristiya tigaman han Mis-
teryo Paskwal
Maghimaya ka, Maria, Anak han Diyos Amay.
Maghimaya ka, Maria, iroy han Diyos Anak.
Maghimaya ka, Maria, esposa han Diyos Espiritu San-
to.
Maghimaya ka, Maria, singbahan ug urokyan han San-
tisima Trinidad.
Maghimaya ka, Maria, nga iginpanamkon gawas han sala
nga panurundon.
18
AN SANTOS NGA ROSARYO
PAGTIKANG
San Tigaman, etc.
Mamaratbat: Maghimaya ka, Maria, nga puno ka
hin grasya, an Ginoo nga Diyos aada ha
imo.
Sumarabat: Gindadayaw ka labi han mga babaye
ngatanan ngan gindadayaw man an bunga han
tiyan mo, hi Hesus.
M: Bungata, Ginoo, an akon mga im-im.
S: Ngan an akon baba mahitultol unta hin pagda-
yaw ha Imo.
M: Diyos ko, tabangi ako.
S: Ha gilayon, buligi ako, Ginoo.
M: Himaya sa Amay, ug sa Anak, ug sa Espiritu
Santo.
S: Sugad sadton tinikangan, yana ug ha kadayo-
nan ug ha ngatanan nga mga katuigan. Amen.
M: Aleluya.
S: Aleluya.
(Tikang hadton Miyerkules de Senisa ngada ha
pag-Sabado Santo, diri masiring nga Aleluya
kundi…
M: Pagdayawon ka, Ginoo.
S: Hadi han waray kataposan nga himaya.
An mga Misteryo han Kalipay
(Lunes ug Sabado)
1. An kahimo nga tawo han Diyos Anak didto han
putli nga tiyan ni Maria Santisima
2. An pagduaw ni Maria Santisima kan Santa Isa-
bel
3. An pagkatawo han Anak han Diyos didto ha
Belen
4. An paghalad han pagkaputli ni Maria didto ha
templo ha Jerusalem
5. An kawara han diosnon nga bata nga didto h
agii ha templo
An mga Misteryo han Kasakit
(Martes ug Biyernes)
1. An pag-ampo ni Hesukristo didto ha tanaman
7
Ihinalad mo ha singbahan hi Hesus nga Mangangako,
Nalipay an kaanghelesan, naghimaya an mga tawo.
Dayegon ta man hiya ha inanak nga pagtahud.
Han kawara ni Hesus sakob hin tulo ka adlaw
Naabat ka hin kamingaw ug hin kasubo nga dako.
Dayegon ta man hiya ha inanak nga pagtahud.
Hi Hesus nga Manunubos napahampak, napagapos,
Napasag hiya han Krus, kay pagpanubos ha aton.
Dayegon ta man hiya ha inanak nga pagtahud.
Ha pagbayad sa Diyos nga dayon han sala han mga
tawo,
An imo Anak higugmaon nakarawat han kamatayon.
Dayegon ta man hiya ha inanak nga pagtahud.
An imo kasakitanan dumdumon namon gihapon,
Agud kami panabangan, O Iroy mahigugmaon.
Dayegon ta man hiya ha inanak nga pagtahud.
Diri mo kami bayaan an mga kalibutanon,
Nakibulig kami ha imo ha marig-on nga pagtahud.
Dayegon ta man hiya ha inanak nga pagtahud.
O Birhen nga masulub-on, O Birhen nga maluhaon,
O Birhen nga mabiduon, imo kami ig-ampo.
Dayegon ta man hiya ha inanak nga pagtahud.
Basi diri namon bayaan an pagrosaryo hin agsob,
Kay uyon sa Diyos harangdon, inin batasan Kristi-
8
yanos
Dayegon ta man hiya ha inanak nga pagtahud.
An Iroy nga masulub-on, nalipay hiya hin dako,
Kay nabuhi na daw liwat an Anak nga higugmaon.
Dayegon ta man hiya ha inanak nga pagtahud.
Dayon ha iya pagkita an Anak nga himayaon,
Dayag pa an mga kasamdan han lawas makatarambong.
Dayegon ta man hiya ha inanak nga pagtahud.
An pagsaka na ha langit ni Hesus makagagahum,
Naurog na daw an kalipay han Iroy mahigugmaon.
Dayegon ta man hiya ha inanak nga pagtahud.
Tutdo mo kan Santo Domingo an santos nga pagrosaryo,
Kay dayag nga kasayoran han mga Misteryo harangdon.
Dayegon ta man hiya ha inanak nga pagtahud.
Basi diri kita mapadaog agsob an iya pagwali
Hinin batasan matadong, ha mga kaaway naton.
Dayegon ta man hiya ha inanak nga pagtahud.
Gindadayaw ta an Diyos ug an Birhen marahalon,
Kon nangangadi kita han Santos nga Rosario.
Dayegon ta man hiya ha inanak nga pagtahud.
Pagdayegon, pag-andakon, pagsaurugon gihapon,
An relihiyon nga santa nga tutdo sa Diyos naton.
Dayegon ta man hiya ha inanak nga pagtahud.
17
Birhen del Rosario, an imo higugmaon nga
Anak nga si Hesus. Karawata inin halad kay
labi nga mahal han mga halad ngatanan nga
sadang ighalad namon ha imo. Ihatag man ha
amon an mga grasya nga pinangangamaya namon
ha imo ha bug-os nga kasingkasing namon.
Nakikibulig kami ha imo, nakikitabang kami
ha imo ug nakikimalooy kami ha imo nga diri
kami bayaan kay mga magluya kami kaupay.
Busa naayop kami han kamalolooyon mo,
basi mahagawas kami han ngatanan nga mga
karaotan, ngan basi diri kami mapadaog han
mga kaaway han amon mga kalag, ug matakos
kami makakita ha imo ha kahimayaan ha
langit. Ngan itugot mo man ha amon an mga
kaupayan nga pinangangaro namon ha imo hini
nga novena kon baga uyon ha santos nga buot
sa Diyos ug makakaupay man ha amon kalag.
Amen.
Mangadi kita hin tulo ka Maghimaya ka Maria ug hin
usa nga Gloria Patri, etc. nga ihahalad ta ha Nues-
tra Señora del Rosario agud kalooyan kita niya.
Masunod an pag-amo ha kinaadlaw ngan an mga siday.
Tapos na inin novena ha Birhen del Ro-
sario, man gad pa kami pagbalsan hinin Iroy
mahigugmaon ha paghimaya ha langit, ha pag-
dayeg sa Diyos gihapon. Amen.
16
han bug-os nga kalibotan, ug ikaw an labi nga
pinaura ni Hesus nga napakita ha imo han nabuhi
na Hiya liwat.
Busa ha ubos nga mga pangamaya
nakikimalooy kami ha imo, gisasantosi nga Bir-
hen del Rosario, nga pan-gawson mo kami han
ngatanan nga mga sala, kay an mga sala nga gin-
buhat namon, ginbabasulan na namon ha dako gud
nga pagbasul ug ha mapait nga pagtangis. Pa-
mumuligan mo kami, agud matakos kami makaangbit
han mga kaupayan nga isinaad ha amon ni Hesus
nga Manunubos, ngan itugot mo man ha amon an
mga kaupayan nga pinangangaro namon ha imo hini
nga novena kon baga uyon ha santos nga buot sa
Diyos ug makakaupay man ha amon kalag. Amen.
Mangadi kita hin tulo ka Maghimaya ka Maria ug
hin usa nga Gloria Patri, etc. nga ihahalad ta ha
Nuestra Señora del Rosario agud kalooyan kita niya.
Masunod an pag-amo ha kinaadlaw ngan an mga siday.
IKASIYAM KA ADLAW
(San Tigaman, etc. Acto de Contricion)
Maghimaya ka, Maria, nga napuno ka hin
grasya, an Ginoo nga Diyos aada ha imo, gin-
dadayaw ka nga labi han mga babaye ngatanan, ug
gindadayaw man an imo Anak nga si Hesus. Hi He-
sus, nga iginpahibaro ha imo ni Arkanghel San
Gabriel; hi Hesus nga nagpakatawo ha gipuputlii
nga ginhawa mo; hi Hesus nga natawo dinhi ha
kalibotan, ngan nakalamrag, nakatambal ug
nakaupay man ha amon; hi Hesus, nga ginsingba
han mga pastores ug han mga kahadian; hi Hesus,
nga ginngaranan nga Hadi han mga Hudeyo; hi He-
sus, nga nagpakasakit ug nagparaysang ha Krus
kay han gidadakoi nga paghigugma Niya ha amon;
hi Hesus, nga namatay ha pagpanubos han mga
tawo; hi Hesus, nga nabuhi liwat ug sinmaka ha
mga langit; hi Hesus, nga nalingkod ha tuo sa
Diyos nga Amay; hi Hesus, nga nagkorona ha imo
ha pagkareyna nga langitnon; hi Hesus, nga nag-
aampo sa Diyos nga Amahan tungod ha amon.
Ihinahalad namon ha imo, gisasantosi nga
9
Basi kita makadangat ha kinabuhi nga dayon,
Diri ta hikakalimtan an santos nga pagrosaryo.
Dayegon ta man hiya ha inanak nga pagtahud.
Tahuron ta an Birhen, higugmaon man gihapon,
Agud matakos kita, pagbalsan niya hin dayon.
Dayegon ta man hiya ha inanak nga pagtahud.
Dayawon ta hi Maria, an Birhen del Rosario,
Dayegon ta man hiya ha inanak nga pagtahud.
V. Hadi ha gisasantosi nga Rosaryo, ig-ampo mo kami.
R. Basi matakos kami sumangpot han mga sinaad ni
Hesukristo.
PAG-AMPO
Ginoo nga Dios namon, tungod kay an Imo
usa la nga Anak nakadangat ha amon han mga
kaupayan ha kinabuhi nga dayon kay an Iya san-
tos nga kinabuhi, kamatayon ug pagkabuhi liwat;
itugot Mo ha amon, Ginoo, nga pamurubuuton na-
mon hin maupay an mga harangdon nga mga Mis-
teryo han Gisasantosi nga Rosario han mahal nga
Birhen Maria, ngan makatuman kami han mga gin-
aasoy dida, ug makasangpot man kami han mga
isinaad nga kaupayan, tungod kan Hesukristo nga
Ginoo namon, nga upod ha Imo nabuhi ug
naghahadi upod man an Espiritu Santo ha ka-
gihaponan nga bug-os. Amen.
PAG-AMPO
V. Ora pro nobis Regina Sacratissima Rosari.
R. Ut digni efficiamur promissionibus Christi.
10
OREMUS
Deus, cujos Unigenitus per vitam, mortem,
et resurrectionem suam nobis salutis acternac
pracmia comparavit: concede, quaesumus, ut haec
misteria sanctissimo beatae Mariae Virginis Ro-
sario recolentes, et imitemus quod contitent,
et quod promittunt asequamur. Per eumdem
Christum Dominum nostrum. Amen.
IKADUHA KA ADLAW
(San Tigaman, etc. Acto de Contricion)
Maghimaya ka, Maria, Iroy nga malolooyon,
mananabang ha mga makasasala nga nangangayop
dimo, lalawigan nga malinaw han mga magsasakay
nga nagbibiling hin pondohan kon masirom an
kabanwa, ikaw an kalipay han mga tawo nga bihag
anay ug niyan ginlukat na kay pinanubos han ma-
hal nga dugo han imo Gisasantosi nga Anak, ikaw
an kalipayan han mga magsakit ngan han mga nag-
susubo nga nangangamaya ug nakikitabang ha imo
ha bug-os nga kasingkasing.
Lamragan mo, mahinuklugon nga Iroy, an
amon mga hunahuna basi makilala kami sa Dios
nga tag-ada han amon kalag ug lawas, pasuon mo
an amon mga buot han laga han gugma basi ma-
higugma kami sa Dios labi han ngatanan, pa-
nutdoan mo kami gihapon han dalan nga matadong
nga tipalangit nga amo an igintutdo ha amon ni
Hesukristo nga higugmaon mo nga Anak, ibungat
mo an amon baba agud makagdayaw kami ha imo ha
bug-os nga kasingkasing namon in mangangadi ka-
mi han santos nga Rosario, basi matakos kami
makakuha han mahal nga grasya nga makasasantos
ha amon; ngan itugot mo man ha amon an mga
kaupayan nga pinangangaro namon ha imo hini nga
novena kon baga uyon han santos nga buot sa Di-
os ug makakaupay man ha amon kalag. Amen.
Mangadi kita hin tulo ka Maghimaya ka Maria ug
hin usa nga Gloria Patri, etc. nga ihahalad ta ha
15
tawo ha gipuputlii nga tiyan mo. Gindadayaw
an imo Anak kay hinmatag ha amon ha ki-
nabuhi didto ha santos nga kahoy han Krus.
Gindadayaw an imo Anak, kay pinasaka ka ni-
ya ha langit hunongan han mga baraan.
Busa ha ubos nga mga pangamaya
nakikimalooy kami ha imo, gisasantosi nga
Birhen del Rosario, nga ipangamaya mo kami
sa Diyos basi panhatagan kami ha Iya santos
nga grasya agud makaangbit kami han mga ka-
tam-isan nga kalagnon nga gikan han maupay
nga batasan nga pagpalandong han mga mis-
teryo nga urudgon han imo Gisasantosi nga
Rosaryo, ug matakos kami pagbalsan ha
paghimaya ha langit. Ngan itugot mo man ha
amon an mga kaupayan nga pinangangaro namon
ha imo hini nga novena kon baga uyon ha
santos nga buot sa Diyos ug makakaupay man
ha amon kalag. Amen.
Mangadi kita hin tulo ka Maghimaya ka Maria ug hin
usa nga Gloria Patri, etc. nga ihahalad ta ha Nues-
tra Señora del Rosario agud kalooyan kita niya.
Masunod an pag-amo ha kinaadlaw ngan an mga siday.
IKAWALO KA ADLAW
(San Tigaman, etc. Acto de Contricion)
Maghimaya ka, Maria, nga napuno ka hin
grasya, an Ginoo nga Diyos aada ha imo, gin-
dadayaw ka nga labi han mga babaye ngatanan, ug
gindadayaw man an bunga ha gisasantosi nga ti-
yan mo. Kay ikaw an kaban nga urusahon nga pi-
nipipiotan han Mana nga langitnon, surudlan nga
mahal nga pinipiotan ha tun-og nga tikang ha
mga langit. Iroy ka nga matuod ni Hesus nga
nakaupay ha amon, ikaw daw tanaman nga matahom
nga tinudkan han labi nga mahal nga bukad nga
diri takos malaya. Ikaw an labi man nga masulub
-on han pag-abat ug pamalandong mo han mga ka-
sakitan han imo higugmaon nga Anak nga nakabuhi
14
Gindadayaw ka nga labi ha mga babaye nga balo,
kay ikaw la nga usa an naghalad han imo
Gisasantosi nga Anak ug pinakaanak mo kami an
mga makalolooy nga mga anak ni Eba. Gindadayaw
ka nga labi ha mga babaye ngatanan, kay ikaw la
nga usa an ginpili nga Iroy han Makagagahum, ug
niyan nga nalingkod ka daw Reyna ha tuo han imo
higugmaon nga Anak.
Ilingi mo ha amon iton imo mga mata nga
malolooyon, ngan itubyan mo man ha amon an
Iroyon mo nga pagkalooy. Diri mo kami bayaan,
gisasantosi nga Birhen del Rosario, kay ikaw an
ginlalauman ug sinasarigan man namon, naayop
kami han kamalolooyon mo, napasakop kami ha imo
gahum ug tinutuyo na namon an diri pagtangdo ha
mga panulay kay tikos na an amon kasingkasing
han pagsugot sa Diyos. Ngan itugot mo man ha
amon an mga kaupayan nga pinangangaro namon ha
imo hini nga novena kon baga uyon han santos
nga buot sa Diyos ug makakaupay man ha amon ka-
lag. Amen.
Mangadi kita hin tulo ka Maghimaya ka Maria ug
hin usa nga Gloria Patri, etc. nga ihahalad ta ha
Nuestra Señora del Rosario agud kalooyan kita niya.
Masunod an pag-amo ha kinaadlaw ngan an mga siday.
IKAPITO KA ADLAW
(San Tigaman, etc. Acto de Contricion)
Maghimaya ka, Maria, nga napuno ka hin
grasya, an Ginoo nga Diyos aada ha imo, gin-
dadayaw ka nga labi han mga babaye ngatanan, ug
gindadayaw man an imo Anak nga Mamamawi ha
kalibotan. Gindadayaw an imo Anak, nga ihinatag
mo ha amon basi panubson an amon mga kalag nga
nabibihag han sala. Gindadayaw an imo Anak, nga
ihinalad mo tungod ha amon didto ha singbahan
ha Jerusalem ug didto man ha Krus ha bukid han
Kalbaryo. Gindadayaw an imo Anak, kay tikang ha
langit iginpapakita mo ha amon nga higugmaon
hiya han mga tawo nga nagngunguyngoy dinhi hini
nga kalibotan. Gindadayaw an imo Anak, nga na-
11
Nuestra Señora del Rosario agud kalooyan kita niya.
Masunod an pag-amo ha kinaadlaw ngan an mga siday.
IKATULO KA ADLAW
(San Tigaman, etc. Acto de Contricion)
Maghimaya ka, Maria, nga napuno ka hin
grasya tikang pa hadton palaran nga oras nga
pinanamkon ha imo gimamahali nga tiyan an tag-
ada han grasya. Puno ka hin grasya, kay an imo
kasingkasing hiniyasan han ngatanan nga mga
kaupayan ug mga birtudes nga angay han mahal
nga kaudganan nga pagkairoy mo sa Diyos. Puno
ka hin grasya kay hinmatag ka ha amon han tag-
ada han grasya nga amo hi Hesus nga Manunubos
nga ginlalauman namon. Buligan mo kami
malolooyon nga Iroy namon agud makaagi kami han
mahal nga kaupayan han grasya nga nawara ha
amon tungod han sala ngan basi an amon mga ka-
lag magmahawan han mga mahugaw nga daw tunok
nga malara nga gikan han sala, ug pagrayanda-
yanan han mga birtudes nga gikan ha grasya.
Kalooyan mo kami, gisasantosi nga Birhen
del Rosario, kay natapod ug napasakop kami han
kamananabang mo; tabangan kunta nga diri na ma-
kuha ha amon kalag an mahal nga grasya sa
Diyos, kay tinutuyo na namon an pagsugot ug
paghigugma ha Iya ha bug-os nga kasingkasing
namon basi mahagawas kami han ngatanan nga mga
karaotan ug diri na kami maliwat hin pakasala
ha Iya; ngan itugot mo man ha amon an mga
kaupayan nga pinangangaro namon ha imo hini nga
novena kon baga uyon ha santos nga buot sa
Diyos ug makakaupay man ha amon kalag. Amen.
Mangadi kita hin tulo ka Maghimaya ka Maria ug
hin usa nga Gloria Patri, etc. nga ihahalad ta ha
Nuestra Señora del Rosario agud kalooyan kita niya.
Masunod an pag-amo ha kinaadlaw ngan an mga siday.
12
IKAUPAT KA ADLAW
(San Tigaman, etc. Acto de Contricion)
Maghimaya ka, Maria, nga napuno ka hin
grasya, an Ginoo nga Diyos aada ha imo. Aada ha
imo an Ginoo, kay an imo buot nauyon gihapon
han buot sa Diyos. Aada ha imo an Ginoo, kay
ikaw an nagpakatawo han Anak sa Diyos. Aada ha
imo an Ginoo, kay pinili ka nga anak nga pi-
nalangga sa Diyos Amay, Iroy nga matuod han
Anak sa Diyos, ug esposa han higugmaon han
Diyos nga Espiritu Santo. Aada ha imo mga kamot
an gahum nga itinubyan ha imo han Makagagahum
han ngatanan.
Busa ha ubos nga mga pangamaya
nakikimalooy kami ha imo Iroy namon nga
malolooyon, nga ihatag mo ha amon an imo
Gisasantosi nga Anak nga si Hesus nga asay ma-
hunong gihapon ha amon mga kalag tubtob nga
buhi pa kami dinhi hinin tuna, ug matakos kami
pagbalsan Niya ha kinabuhi nga dayon, nga amo
an gintutuyo namon kon imo kami bubuligan; ngan
itugot mo man ha amon an mga kaupayan nga
pinangangaro namon ha imo hini nga novena kon
daw uyon han santos nga buot sa Dios ug maka-
kaupay man ha amon kalag. Amen.
Mangadi kita hin tulo ka Maghimaya ka Maria ug
hin usa nga Gloria Patri, etc. nga ihahalad ta ha
Nuestra Señora del Rosario agud kalooyan kita niya.
Masunod an pag-amo ha kinaadlaw ngan an mga siday.
IKALIMA KA ADLAW
(San Tigaman, etc. Acto de Contricion)
Maghimaya ka, Maria, nga napuno ka hin
grasya, an Ginoo nga Diyos aada ha imo, gin-
dadayaw ka nga gayud, kay ikaw la nga usa an
nahagawas hadton sirot nga iginmantala ha
Paraiso ug nakadarahig ha mga tawo ngatanan.
Gindadayaw ka, kay waray ikaw babati hin ano
man nga kasakit ha imo santos ug bulahan nga
13
panganak mo kan Hesus. Gindadayaw ka, kay na-
katabang ka ha mga tawo ngatanan ha atubangan
han aton Diyos nga Ginoo. Gindadayaw ka, kay
nakarumok ka ha ulo han mga kaaway nga punoan
han kasisidman. Gindadayaw ka, kay nahalad mo
an imo kinabuhi tungod la han pagbulig ug pa-
ghatag man ha amon hin kaupayan. Gindadayaw ka,
tungod han sawad nga pagkalooy mo han mga ma-
kasasala.
Panabangan mo kami, malolooyon nga Iroy
namon basi makadaog kami gihapon ha amon mga
kaaway nga amo an demonyo, an kalibotan ug an
lawas han tawo. Pamumuligan mo kami, basi maha-
gawas kami han ngatanan nga mga karaotan, ngan
diri kami mapadaog ha mga panulay, matakos kami
magdayaw ha imo hin kadayonan. Ngan itugot mo
man ha amon an mga kaupayan nga pinangangaro
namon ha imo hini nga novena kon baga uyon ha
santos nga buot sa Diyos ug makakaupay man ha
amon kalag. Amen.
Mangadi kita hin tulo ka Maghimaya ka Maria ug
hin usa nga Gloria Patri, etc. nga ihahalad ta ha
Nuestra Señora del Rosario agud kalooyan kita niya.
Masunod an pag-amo ha kinaadlaw ngan an mga siday.
IKAUNOM KA ADLAW
(San Tigaman, etc. Acto de Contricion)
Maghimaya ka, Maria, nga napuno ka hin
grasya, an Ginoo nga Diyos aada ha imo, gin-
dadayaw ka nga labi han mga babaye ngatanan.
Gindadayaw ka hin labi, kay ikaw la nga an
pinaurog sa Diyos ug nagkakatin ka han ngatanan
nga mga kaupayan nga pinaangbit ha iba nga mga
babaye. Gindadayaw ka hin labi, kay ikaw la nga
usa an pinalabaw ug pinalabi sa Diyos. Gin-
dadayaw ka nga labi ha mga babaye nga birhen,
kay ikaw an nahauna nga naghalad sa Diyos han
imo pagkabirhen nga bug-os. Gindadayaw ka labi
ha mga babaye nga inasaw-an, kay nagpanamkon
hin waray kaano an bug-os nga pagkabirhen mo.