Buka hatene Santo no Santa sira

S. Brás S. Brás moris iha cidade Sebaste iha Armenia. Nia aman haruka nia ba escola sai doutor. Ikus mai nia sai duni doutor, maibe nia hare ba la dun tulun nian iha moris espiritual nian, nia husik tiha nia serbisu hodi ba moris iha fatuk koak, hodi halo penitencia no oração. Nia naran hahu morin iha sarani sira le’et. Wainhira Bispo Sebaste nian mate, sarani tomak halai ba buka nia atu sai sira nia Bispo. Maski nia lakohi simu knaar ne’e, maibe tan deit, sarani sira obriga, nia simu duni. Maibe nia ukun nia Diocese haraik-an nia laran no lakohi moris iha Paço Episcopal, nia hakarak nafatin hela iha fatuk koak, wainhira iha actividade pastoral mak nia tun ba cidade hodi halao serbisu ne’e. De repente rabenta funu entre Imperador Licinio ho nia Costantino. Maibe ikus mai Licionio lakon iha funu maibe nia sei ukun parte balu housi Armenio no Asia Menor nian. Tan nia fuan moras, nia halo funu hasouro sarani sira, hodi haruka oho tiha hotu sarani sira hodi hadau sarani sira nia rikosooin. Bispo Brás nia haruka nia governador Agrícola kaer hodi obriga nia atu adora fali sira nia maromak. Maibe Brás la fo ulun hodi dehan: “Ha’u lakohi sai belun ho imi, tanba ha’un lakohi ahi atu han ha’u ba nafatin ho diabo sira”. Soldados sira chateado, latan nia ba ahi laran, rasta nia, fokit sai tia nia liman no ain kukun sira, no fera nia isin lolon tomak ho besi mean nebe hatama iha ahi klaak laran. To’o ikus soldado sira tesi tiha nia ulun fatuk. S. Brás padroeiro ba moras kakorok nian. Tanba labrik ida no ferik ida ho moras ne’e, nia harohan dalan ida ba Maromak, moras ne’e lakon tiha kedas.    Hamnasa uitoan

18 Madre Carmen SPC, despede bispo, fila ba nia rai, tanba ho idade 82 la hatan tan atu halo serbisu no nia serbisu iha Timor durante tinan 18

17 han hamutuk iha Palaca, Batuguede

18 Me. Elfrida,PRR ho nia membros mai fo parabens ba Bispo

HO LARAN TOMAK, HA’U ATA HATO’O

OBRIGADO WAIN BA SARANI NO FAMILIA SIRA NIA ATENÇÃO NO DOMIN, HODI

CELEBRA HAMUTUK HO HA’U ATA, NIA TINAN BA DALA 58. NA’I SEI SELU IMI NIA KOLEN NO BA IMI HAHALOK SIRA HOTU.

Bispo Norberto

Policia kaer naokten ida hodi husu: “Ó serbisu saida?” Naokten: “Ha’u serbisu halo chave” Policia: “Ó halo saida horikalan iha loja osamean nia odamatan?” Naokten: “Ha’u koko deit, chave nebe ha’u foin halo hotu”.

Boletim da Diocese de Maliana, Timor Leste Ano IV – No.6 - Fevereiro de 2014 “O eco da glória de Deus ressoou por toda a terra.” Slm.18:5

ECO - Boletim da Diocese de Maliana, Publicação mensal. Proprietário: Diocese de Maliana, Timor Leste. Administração: Departa-mento da Comunicação Social. Director e Redactor: Dom Norberto do Amaral. Director . Telemovel: 77354123; E-mail: malianadio-cese@gmail.com, Preço - 10 centimos Americanos.

Sacramento Kaben

Maromak mak domin. Maromak halo ema ho domin. Nia halo ema mane no feto, atu hadomin malu, hodi colabora ho Maromak iha hahalok habarak ema (cfr Gen 1,27). Wainhira mane no feto ida hasouro malu, matan baku ba malu no halo fuan tuku-tuku, ne’e katak domin hahu iha sira no halo sira tur la metin. Hahu ba ne’e mosu tempo namoro nian. Tempo nebe mane no feto buka atu hatene malu didiak. Liu tiha tempo namora malu nian, mai tempo noivado katak, inan-aman feto no mane nian hatene ona katak sira nia oan feto mane ida ne’e mak tuir no sira oan mane hakarak hola feto ida ne’e hodi tau kedas horok/sinal ida. Hahu ba ne’e mane ida labele bok tan feto ne’e, no feto ida labele boktan mane ne’e. To’o tempo tasak ona sira nain rua hakotu lia atu kaben. Kaben ne’e tenki liu housi dalan oficial ida, mak simu Sacramento Kaben. Iha Sakramentu Kaben, sira hakotu lia atu saran-an ba malu iha ksolok no terus to’o mate. Hahalok ida ne’e tenki halo ho sira nia liberdade no hakarak rasik. Labele iha ema seluk nebe obriga. Ba nune’e mak iha simu Scramento Martimónio sira nain rua rasik mak halo Sacramento Matrimónio, Nailulik haraik deit benção Maromak nian.

No wainhira simu ona benção la iha ema ida tan iha mundo raiklaran atu haketak fali sira, selae ho mate deit. Buat ne’e, buat sagrado ida, no pertence deit ba Maromak (Cfr. Mt 10,9). Sê mak fahe mane no feto nebe simu ona Sacramento Matrimónio, ema ne’e foti an liu fali Maromak. Ne’e sala bo’ot tebtebes. Finalidade ba kaben malu ne’e mak Maromak hakarak ema nia ksolok eh felicidade. No felicidade ne’e sai completo liu wainhira Na’i Maromak haraik ba sira oan. Oan nudar fuan housi domin nebe mane no feto hatudo ba malu.

Responsabilidade ba mane no feto nebe simu ona Sacramento kaben ne’e, uluk nanain atu fo kosolok ba malu, educa oan sira tuir fiar sarani, fen no laen buka atu hametin no hamoris moris nebe sira rua hari iha domin, dame no ksolok iha moris tomak nia laran to’o mate. Nudar buat sagrado no pertence deit Maromak, ita sarani tenki buka respeita no labele sobu fali ho hanoin oin-oin nebe mai housi ita nia lokoa-an tanba matenek. Matenek la ho Maromak, matenek la folin. Matenek nebe foti-an sei lori ita ba moris at, tanba Jesus rasik dehan: “Ema nebe foti-an Ha’u hatun nia, ema nebe haraik-an Ha’u sei foti nia”.

Dom Norberto do Amaral

Lia Meno

Aconteceu...

2 Fevereiro: Núncio visita Timor, religiosos sira mak convida no celebra missa hamutuk ho sira iha Catedral Dili, hafoin halo tiha reunião ida ho sira.

10 Fevereriro: Diocese Maliana, forma ona nia Conselhos dos Consultores no halo ba dala uluk sira nia reunião

10 Fevereiro: Bispo ba Letefoho hodi celebra missa no hakoi hela, Pe. José Maia nia inan nebe mate. Presente iha missa ne’e Pe. Domingos Soares mos

11 Wainhira Bispo fila mai Dili, tanba kalan, toba iha Ermera no Pároco husu atu Bispo missa hela ba loron sira nia Padroeira nian. Presente iha Missa Pe. Leandro, Pároco, Vigários no ecónomo Diocese Maliana nian.

13-17 Fratres nain lima, condutor no Bispo serbisu halo jardim iha residência Maubara.

15 Madre Nuncia geral Congregação PAR nian iha Liquiçá nebe mai housi Napoles/Italia, visita no cumprimenta Bispo iha residência Maubara. Madres sira ne’e mai ona iha Liquica tinan rua ona.

16 Familia housi Bispo nian, antecipa tiha celebra bispo nia tinan, hamutuk iha Maubara. Presente iha loron ne’e Vice Primerio Ministro Lasama, Pe. Joaquim, Secretário do Estado Vetranos Sr. Meta Malik no familia sira iha Dili

16 Bispo ho familia

16 Koa Kek no hu’u lilin nebe familia sira prepara

16 Han hamu- iha praia Mau bara, Carmeli- tas, Canossi- nas Maliana

16 Familia preocupa ho hahan

17 Senhor Francisco Jerónimo Presidente do Conselhos dos Leigos Maubara nian, hodi sarani sira nia naran hato’o parabéns no tara tais ba Bispo nebe halo tinan 58 anos iha Igreja Maubara hafoin missa remata.

17 Celebração bispo nia tinan continua fali iha Palaca, Batuguede, hamutuk ho estudantes no representantes housi sarani no Congregação balu nebe iha Diocese Maliana laran, hanesan Zumalai, Bobonaro, Liquiçá, Atabae, Balibó no Policia UPF. Bobonaro mak sai nudar orientador ba celebração ida ne’e.

17 Animação mos la falta iha bispo nia tinan ida ne’e