ahkyak ai hta grau ahkyak dik ai ten6
TRANSCRIPT
-
7/28/2019 Ahkyak Ai Hta Grau Ahkyak Dik Ai Ten6
1/6
Ahkyak ai hta grau Ahkyak dik ai Ten
Daw- (6).
N-dai July shata htum maga de- Naypyidaw e Myen Mung ting Gap
Jahkring Lek mat htu poi galaw na rai ma ai da. Ngwi pyaw Simsa saga ai nga,
UNFC ni yawng hkra hpe Lagaw gyit, Lata gyit nna Baw dinghkrak, Maidang
htawng ya na bai hkyen nga masai.
Gap Jahkring Signature n-htu ai ni hpe gaw Simsa Lam n-ra ai
nire nga mara tam, Lata Layung madi nna,Ginjang bai tam na lachyum rai nga
malu ai. Sign n-htu ai Wa mahtang Masha sat, Wan nat ai wa re nga Gwi Lagut
daru bai nga hkyen taw nga ma ai. Dai hpe anhte tau hkrau nna Mu mada, Chye
na tawn n-na, shanhte tsun ai hku n-re lam, Mungkan de gara hku Sakse madun
na hpe ya kaw nna myit tawn da ra na ga ai.Gap Jahkring hte seng nna- Sign htu
jang shanhte Myen ni Federal State jaw na lam, State Defence Force (SDF) hte
seng nna gade ram pahkam hkam warranty jaw lu na ma ai da i? U-N, U-S, U-K hte
Miwa ni Lapran Sakse tai yang- kade ram ngang kang hkra shanhte lajang hparan
ya lu na ma ai da i? Na tu ai majaw sha madat lawm ai baw gaw Sorry ngu mayu
ai. Pa shalaw sha re. Katut sha na, Kadu sha na gaw anhte UNFC ni re.Dai majaw
Political Dialogue hpe-
(1). Federal State hte State Defence Force Ga baw kaba
lahkawng hpe matut nna woi awn bawng ban sa mat wa na.
(2). Ten Ladaw shata (6) n-rai yang, dik dik (1) ning mi laman
dai Statement ni hpe Hkrang woi shapraw mat wa na.
(3). 2008-ning Gaw da ai Tara hpe Mung masha ni hte UNFC ni,
shanhte Myen Hpyen ni yawng myit hkrum ai hku bai byeng lajang na.
Constitution nnan bai galaw lajang ga nga jang shanhte Maw hkalawk sha tawn ai
Tara Masa ni But Dingsa bai alai jang Manam wa na re majaw, byeng ra ai bai
byeng lajang la ga ngu Talking gayet nna, shanhte myit hkrum ai.. Ga lu la ai
-
7/28/2019 Ahkyak Ai Hta Grau Ahkyak Dik Ai Ten6
2/6
hteSa du bawng ban ai Group ni yawng hkra hpe Ta sharawt shangun nna yawng
hkra ra ai hku, myit hkrum ai hku Confirm galaw la kau ra na ga ai. Ra Lata Me
Pung hte nga jang shanhte Me bai Lagu na re majaw Lata Sharawt nna hti la ai
gaw- N lung Prat na Ladat re nga tim shanhte n-masu lu sai.
(4). N-dat tawn ai Ten(shn) shaning /Dik dik..2015 ning
rai n-du yang- ndai Myit hkrum tawn da ai lam ni hpe Hkrang shapraw na. N-
shapraw jang, Gap Jahkring ai lam ni yawng hkra Tara n-shang sai lam Asan sha
tsun dan, Ka masat tawn na. Tara n-shang sai..ngu ai gaw- Bai Shakrip hkat saga
nga ai lachyum sha rai nga sai re majaw UNFC ni yawng hkra myit hkrum mang
rum hte Myen Hpyen ni hpe Hpungdim dat gasat shamyit kau ra saga ai. Bai anoi
abya taw nga yang gaw Tinggaw Tawng a Baw hpraw Wa rum ten rai mat na.
Mung masha ni mung grau jam jau nna Masha tai shut ai lachyum pyi rai wa na re.2015 ning Ra Lata Poi naw la munga jang gaw- Moi Ngyaung Nabin shaloi
mung- Mung masha asuya lung jang she tsun la mu..nga n-na, shanhte Myen
Hpyen ni sha Bu Hkang galai bu nna Manya shachyoi masai re. N-dai lang bai-
2015 ning ngut jang she nga nna shanhte lu Jahting ngut jang she Mung Masa lam
bawng ban ga nga jang gawTawbi Ram sa Ne Pu Jan ja sha re. Myen a Ga
anhte n-mai madat shut na ga ai.
N-dai lang UNFC yawng hkra hte (Grau nna KIO/Ahte) Gap Jahkring Sign htu na shakut taw ai gaw- Asian Ningbaw lu galaw na matu
rai nga ai. Dai majaw anhte mung dai hpe mu chye nna Sign htu ai lam hta Myen
hpe Ga Sadi Sumri amyu myu hte shawng gyit hkang nna (shn) Myen a Du hpe
Shinglet she matep hkra manat tek nna, Tinang ra ai Ga Sadi hpe Mungdan Kaba
ni a man hta n-lu lu hkra hpyi shagyeng la ra na ga ai. Ahkaw ahkang ngu ai gaw
Lahkawng lang galoi n-lu ai hpe ,mung dum ra na ga ai.N-dai ten Myen Hpyen ni
(Leng htawk bu ai/ Bu hkang bu ai) ni yawng hkra gaw Asian Ningbaw galaw na
hte seng nna, 2015 ning Ra Lata Poi hte seng nna grai myit pu ba, myit tsangLahput gari taw nga ai ten rai nga ai. Hpa majaw i? nga yang- dai lam ni gaw Sinat
hte shagyeng nna galaw la lu ai Bungli ni n-re majaw rai nga ai. Myiman jahtat n-
na Masu yang masu, Me lagu yang lagu- dai lam lahkawng sha nga sai re. Raitim n-
dai lang gaw Mungchying sha ni hte Myen(Mung masha ni) Masu hkam sana n-re.
Myen Hpyen Gyepdin n-pu bai shang sana n-re. Hpungkyi ni kaw na hkawt, Gala ni
-
7/28/2019 Ahkyak Ai Hta Grau Ahkyak Dik Ai Ten6
3/6
yawng hkra mung Myen Hpen asuya ni a Magyi magaw, Manai makai re lam
ni,Samit hkum mi pyi n-lu ai Muslim Gala ni hpe majoi Wan nat sat sharu ai lam ni
gaw- Mungkan htum tim Maroi ni, Masin si na lam n-nga sai re. Myen hpyen
asuya ni Mung masha hpe Lak nak hte jahkrit sha n-lu jang- shanhte a Tsun Ah
Shin (Htawng kaw na Lagut, Dammya, Masha sat ai ni hpe) Hpungkyi Sang Gyen
lawai shangun, Muslim Gala ni anhte Myen hpe roi ai nga- Hpung kyi Masu ni
(Shn) Myen Hpyen ni a masha ni N-htu hpai nna Gala hkan sat hkawm ai gaw nau
hpyau, nau ladu lai mat masai . Lam mi hku tsun ga nga yang Mungdan gasu
gabrawng hkra galaw nna shanhte bai matut up hkang sha na Ladat shaw ai lam
rai nga malu ai. Dai hpe chye tawn da ai anhte Mung masha ni hte UNFC ni
gaw,Myen (Mung masha hte Hpungkyi ni), Gala Muslim ni a N-gun hpe yawng
hkra pawng hpawn nna n-dai du na 2015 ning garai n-du yang Myen Hpyen
asuya hpe Ru kaw na gawt kabai, gawng kabai kau ra na saga ai. Dai Ahkaw
ahkang hpe anhte (KIO/A hte W-P Jinghpaw myu sha ni) n-mai tat kau na ga ai.
Lam mi hku tsun ga nga yang - Laknak nnga ai
Mung masha ni hpe dang sha, zing ri sha taw nga ai(Myen kaw na hkawt) Mung
chying sha ni yawng hkra gaw KIO/A hpe kam hpa taw nga ai ten rai nga ai.. Myen
Hpyen La ngu ai Nyep Baw Baw re Ma Hkale Lep ni sha ngam sai. Hpyen La dingsa
ni gaw yawng hkra Wa pyi n-tu ma sai re. Dai majaw Myen Mung/Mung masha
ni gaw Shanhte hte hte, gahkyin zinlum nna Myen Hpyen ni hpe Gasat shamyit
kau na ra sharawng nga ma ai. Mungdan up hkang ai lam hte seng nna mung- ya
gaw Kadai mi lung lung Jet ai Democracy Mungdan hpe woi gaw de jang rai sai.
(shn) Mungkan n-tsa e Masha ngu nna Gala mi tai tai, Myen mi tai tai, Sam mi tai
tai- shinggyim ahkaw ahkang hkrak tup lu nna Asak hkrung mayu ai ni hkrai rai nga
masai. KIO/A Asuya ni kaw nna- Dai ni gaw- Myen Hpyen ni hpe Hpungdim dat
rau jawm Gasat shamyit kau saga ngu nna she N-dau shabra dat yu mu. Hpungkyi
da, Jawngma da, Gumgai Dingla ni yawng hkra pyi Dawhkrawng lang nna Myen
Hpyen asuya ni hpe Rawt Malan wa na sha re. Hpang jahtum- Kachin Kale Nan
Tet ma aye..nga ai kaw kre na. N-kam yang chyam yu mu. Teng sha Karai Kasang
gaw anhte W-P Jinghpaw (KIO/A) ni hpe Awng Padang Ninglaw jaw chyalu re. Dai
majaw myit shau shi n-shap taw nga saga. Galaw ra ai lawan galaw. Tsun ra ai
lawan tsun. Tsun ai n-lu jang n-dai Dip da,Roi rip hkrum sha ai lam ni hpe Adawt
-
7/28/2019 Ahkyak Ai Hta Grau Ahkyak Dik Ai Ten6
4/6
Agrawp ayai kau ra na saga ai. Aten galu hte naw sharen taw nga yang gaw Myen
a Mayam naw matut yam ga ngu ai lachyum de sha gale mat wa na re. Shaning
(60) ning jan shanhte Myen ni Masu sha taw ai ram sai. Matut nna Masu hkrum
jang gaw shanhte Myen ni a Mara n-rai sai. Masu katut ai wa a Gam Maka nan dai
hku rai sai ngu myit shadik la kau na lam sha nga sai re. Moi kalang mi mung Myen
Hpyen asuya ni gaw Asian Ningbaw kaw na htawt sit katut lai wa sai. Myen ni
Asian hpe woi awn na rai n-ging dan ai..ngu ai lachyum rai nga ai. N-dai lang bai
Myen ni Asian Ting Ngyang hte bai hkalut jang gaw- Mungkan hta hkum gazik
Asian hta pyi myi hpaw na lam kaga nnga sai. (Raitim Myen Gwi Chyit n-dai ni
Gaya chye ai baw amyu ni n-re.) Shanhte Myen Hpyen ni a matu gaw Si tim,
Hkrung tim maren sha rai nga malu ai. Mying si jang masha mung si mat chyalu
rai nga ai. Asian Ningbaw shara bai hkalut na Myen ni grai hkrit tsang taw nga ma
ai. Dai majaw- Myen mung ting Gap Jahkring Sign htu ga nga..Abawk hkrai abawk
hkawm, Mani hkrai mani Nying dan hkawm rai nga ma ai. Shaloi -gaw anhte hpa
baw matut galaw sa wa ra na ga ai kun? Myi n-pu naLadi sha n-mai yu taw nga
na saga ai. Myen Mung ting na Dip rip hkrum nga ai Mung masha ni,Hpungkyi,
Muslim ni yawng hkra a N-gun ni hpe kahkyin zin lu la nna (Last Fighting) Masing
jahkrat ra na saga ai. Dai majaw-
Anhte ra sharawng ai (Shn) Tut nawng hpyi taw nga ai Federal
a Ningpawt (Mung Masa Lam) hpe hkrak nan woi bawng ban na ngu ai Ga Sadi
hpe Mungdan kaba ni a man e Sadi n-jaw lu dingsa- Yupmang hta pyi Gap Jahkring
Sign n-mai htu na ga ai
Myit ja, Baw ja taw nga ai anhte W-P Jinghpaw ni
Atang chyahpa rai Gap jahkring Sign she sa Htu dat yu u.Anhte Myen Mung Sim
saga ai, Sa saga ai ngaAsian Ting Ngyang kaw dung htit (Malaysia,Thai,Singapore
zawn re Asian Mungdan ni mung Myen N-kaja ai,Sadi n-dung ai, Maka n-kap ai
hpe chye tim Myen Mung na N-hprang Sut rai ni lu manaw shaw sha namatu,Manya masu,n-chye masu nna, Nang Myen wa she byin ai,anhte a Ningbaw
tai u.. nga shamyawk sha nna, N-htang hku Maw hkalawk sha na gyam taw nga
ma ai re. N-chyoi yang yak na. Dai hpang gaw-Maigan na Company ni hpe hte
sharut bang, nga manga N-hprang sut rai ni hpe Lata Layung Madi nna dut sha, dai
gaw Ga lahtum n-shut nan rai nga ai. Hpang jahtum. N-ta Htingwung na Gwi La
-
7/28/2019 Ahkyak Ai Hta Grau Ahkyak Dik Ai Ten6
5/6
Chyang Gam kasha pyi ngam na hkum shadu. Dai majaw U-S, U-K ni kaw na Hpa ji
mung hpyi, Myen wa N-gup n-lu Abrawp mat Ga Sadi Samit hte Myen ni a N-gup
hpe chywi shajup kau ya ra na re. Anhte a matu Amyat n-lawm ai gaw- Lahpyaw
pyi majoi n-mai hpyaw kau na ga ai. Panglong Ga Shaka a majaw jaw kau ra ai
Jinghpaw Mung hte Sam mung(Myen Mung a Ka-ang hkup) hpe shanhte Myen ni
Hpyen n-gun hte bai lu ka-up sha na matu shakut taw nga ai lam rai nga ai. Myen
Mung ting Gap Jahkring lu saga aingu ai Gumwai hpaji hte Myen mung ting hpe
Hpyen asuya ni bai matut up hkang lu na shakut taw nga ai Myen ni a Plan hpe
anhte dumhprang ra na ga ai. Dai Mahkrun lam awng dang jang gaw- Myen Hpyen
ni gaw Ma-un Si lu ai Woi zawn rai taw sana re.Raitim- Theing Seing Baw krin
hte Ma Hkale Lep Min Awng Hlaing ni Mani gaw n-rai, Hkrap gaw n-rai rai mat na
matu- Mung Masa bawng ban lam hpe N-hprai N-yit ai Teng sha woi galaw na ga
ai ngu ai Ga Sadi hpe U-S, U-K, U-N, hte Miwa ni a man e Myen ni hpe Baw Ahpat
nna Sign Htu shangun ra na ga ai. Shaloi gaw O-K rai sai. Shanhte Myen ni Sadi bai
jahten jang- Mungkan a man hta anhte a Mara n-rai sai. Bai Den jaw hkat na lam
sha nga sai. N-dai lang gaw anhte W-P Jinghpaw ni hkrai n-rai sa. Myen mung ting
Hpungkyi,Jawngma, Gala, Gumgai Dingla ni yawng hkra Myen Hpyen asuya hpe
N-hti n-htang shakri jaw na, Dat jaw na Ten rai sai.
Mai gan de nga ai ni mung- Marawn tik tik, Adawt
tik tik. Shaloi- Myen Hpyen Gwi Chyit Gwi ran ni zang nan Zang ayai chyalu re. Dai
majaw- manu dan ai Ten Hkying ni hpe anhte Asung jashawn chye ra na ga ai.
Saboi n-tsa na Political Dialogue ngu ai gaw- Majan Pa na Amyawk,Machyu Pala
Laknak ni hta pyi grau hkrit ra nga ai. Lagaw Lahkam mi htawt shut ai hte- anhte a
Myu sha ni yawng hkra Krung Sinwa kata de Arum bang mat wa lu nga ai. Dai
majaw daw dan ai lam ni hpe hkut hkut nai nai, azin ayang, Kara Singgawng mi pyi
n-shut n-shai hkra,Pai, Hkra, Ntsa, N-pu yawng hpe Dinghkri dinghkrai myit sawn
sumru yu nna-Galaw masat, Shagrin sa mat wa ra na ga ai. Hpa majaw ta?nga
yang...N-dai ten gaw anhte Wunpawng Jinghpaw Myu sha ni yawng a matu
Ahkyak ai hta grau Ahkyak dik ai Ten nan rai nga masali ai law.
By-
Bum Chyangau.
-
7/28/2019 Ahkyak Ai Hta Grau Ahkyak Dik Ai Ten6
6/6